У 2025 годзе будзе 100 год са дня нараджэння майго дзеда, мастака-жывапісца Чэпіка Міхаіла Піліпавіча (1925-2000), заснавальніка дынастыі мастакоў у нашай сям'і. Гэтую працу я прысвячаю яму. Я бязмерна ўдзячна дзеду за яго ўплыў, за тое, што я мела магчымасць гадавацца ў сям'і мастакоў і таксама выбрала для сябе гэты шлях.
"Акно мастака" - гэта акно нашай майстэрні, дзе спачатку працаваў дзед, пасля бацькі, а зараз таксама і я. Гэта месца, дзе заўсёды ўтульна як у дзяцінстве - месца моцы.
Памер выявы 97х40 см, памер ліста 102х73 см.